【大阪酒店推介】藝術家和設計師聯手打造！心齋橋設計酒店 Hotel THE Grandee 離地鐵站4分鐘！

日本大部份酒店房間偏小，設計特色欠奉，如果想住得型啲HIP啲，呢間11月尾先正式開張嘅設計酒店就啱哂你！Hotel THE Grandee 前身係Hotel T’Point，全橦翻新。酒店本身嘅設計當然係一大賣點，酒店嘅地理位置亦非常吸引！位處東心齋橋，距離地鐵長堀橋站4分鐘，鄰近心齋橋、道頓堀等購物點，附近仲有大量餐廳美食！

酒店走型格設計路線，由藝術家同設計師聯手打造 45 個不同設計的客房，由主題、氣氛、設計都各具風格！合作單位包括 Plant Hunter 西畠清順、書道家 武田双雲等，陣容鼎盛！

酒店設施齊全提供免費WIFI、早餐，部分房間更備有65吋大電視！酒店提供的盥洗用品品牌往往都可以反映酒店的路線和用心，Hotel THE Grandee提供的則是名牌中的名牌BVLGARI的產品！

Hotel THE Grandee除了設計好看，地點也很方便！距離地鐵長堀橋站4分鐘、心齋橋站10分鐘，附近有OPA商場、心齋橋筋商店街、道頓堀、大丸百貨等購物點，100YEN店、藥妝店一落街就係啦！去難波站亦只係15分鐘，地下街、商場任你行！心齋橋同道頓堀有大量食肆，出名嘅有四天王、一蘭、金龍等拉麵店、食蟹嘅道樂、RIKURO老爺爺芝士蛋糕、大阪燒、章魚丸等！