成串提子、兩個白桃!大滿足鮮果芭菲@大阪Patisserie cafe ひかり

位於大阪高石市嘅 Patisserie cafe ひかり 以鮮果芭菲打響名堂,皆因出手夠大方,白桃芭菲足足有兩個咁桃咁多,提子芭菲就直情成串放落去,仲有有半個蜜瓜嘅蜜瓜芭菲、半個沖繩芒果嘅芒果芭菲!

Patisserie Cafe ひかり
  • 地址:大阪府高石市東羽衣3-7-12 浅井ハイツ 102
  • 交通:南海「羽衣駅」步行約4分鐘
  • 營業時間:08:00~22:00 (逢星期二休息)

超高人氣嘅白桃芭菲(1350円)落足兩個和歌山白桃,配搭雲呢拿雪糕、粟米片及乳酪,鮮甜多汁桃迷必食!新鮮生果有分時令,白桃原本只供應至今個月月頭,剛延長供應期至20日,但每日供應有限須先預約或向店方查詢MENU。

除咗白桃,仲可以試埋店內其他鮮果芭菲!8 月 12 日開始供應的有提子芭菲,落足一串麝香葡萄,提子仲多過雪糕!

成串提子、兩個白桃!大滿足鮮果芭菲@大阪Patisserie cafe ひかり圖片來源: yamajun73 @ Instagram




與提子芭菲同步面世的還有使用半個蜜瓜的蜜瓜芭菲,蜜瓜通過糖度測試,保證香甜!

成串提子、兩個白桃!大滿足鮮果芭菲@大阪Patisserie cafe ひかり圖片來源: peudejoie @ Instagram

同場仲有時令沖繩芒果芭菲,供應視乎食材供應,記住先向店方查詢!




Patisserie cafe ひかり是位於高石市的小店,店面不大座位不多,鮮果食材供應亦有限量,有意前往的朋友記住先店方查詢預約,以免撲空。