大阪交通攻略(四) 大阪市內主要鐵路攻略

大阪市內主要可以依靠兩大鐵路:市營地鐵 JR西日本。當然仲有你會問咁南海電鐵、京阪電車、阪急電鐵、阪神電車、近鐵電車呢?各私鐵鐵路主要係去大阪名的城市(京都、神戶、奈良等等)先會用到,市內嚟講地鐵+JR基本已經可以了。

大阪主要市內鐵路路線圖

圖中各彩色線係大阪市營地鐵路線,淺藍色嘅係JR西日本路線,其餘灰色線則是各私鐵路線。

(按圖放大)




(1) JR 西日本(路線圖可按圖放大)

睇完圖,小編想先解釋一個常見的誤會就係「搭JR走天涯」,尤其去過東京嘅朋友會更容易先入為主覺得JR最方便(小編明白嘅因為東京山手線真係太方便)。JR的確係日本覆蓋最廣嘅鐵路網,但可惜偏偏喺大阪市內,路線嘅覆蓋並不全面,很多主要景點都是市營地鐵比較便捷。

大阪市內JR的主要線路有三條大阪環狀線、夢咲線及機場線(阪和線)。撇開機場交通,「大阪環狀線」(紅色 O 線),常用車站包括「大阪」(梅田購物區)、「新今宮」(通天閣、新世界)、「天王寺」(購物區)、「大阪城公園/森之宮」(大阪城)、「天滿」(天神橋筋商店街)。但在環狀線個圈中間嘅心齋橋、難波、日本橋(黑門市場、電電城)等主要地點都不到。




最後係比較不常用到的夢咲線」(深藍色 P 線)主要用途是於「西九條站」連接大阪環狀線去「環球影城」,亦即係話,如果你行程無大阪環球影城,基本上唔會搭「夢咲線」。

JR班次約5-10分鐘一班車),票價由120円起(距離越遠越貴),列車有別不同車種:區間快速、快速、普通等車種。分別在於停的車站,「普通」站站停,特急、區快速、快速則會跳站。(各車種停的車站圖,按圖放大)




(2) 大阪市營地鐵(路線圖可按圖放大)

大阪市營地鐵有9條路線,班次頻密(約2-10分鐘一班車),票價由180円起(距離越遠越貴),常用車站包括:

  • 御堂筋線(M):「心齋橋」、「難波」(道頓堀)、「動物園前」(通天閣、天王寺動物園)、「天王寺」
  • 谷町線(T):「東梅田」、「天神橋六丁目」(今昔館、天神橋商店街)「天王寺」
  • 四橋線(Y):「西梅田」、「四橋」(美國村)、「難波」
  • 中央線(C):「大阪港」(海遊館、LEGOLAND Discovery Center、天保山摩天輪)、「森ノ宮」
  • 千日前線(S):「難波」、「日本橋」(黑門市場、電電城)
  • 堺筋線(K):「天下茶屋」(轉南海機場線)、「動物園前」(通天閣、天王寺動物園)、「日本橋」(黑門市場、電電城)、「扇町」(扇町公園、Kids Plaza Osaka)、
  • 長堀鶴見綠地線(N):「心齋橋」、「松屋町」




 (首/尾班車資料按此) 
買飛教學