神級蛋包飯@京都ザ・洋食屋キチキチ

全憑一客火山爆發般流蛋漿的蛋包飯,「ザ・洋食屋キチキチ」成為不少去京都的朋友的必食之選,位置係祗園河原町附近都算就腳,但位於小巷之中,大家搵個陣要落足眼力丫!提提大家,店方採取預約制一定一定要網上預約咗先好去丫!

ザ・洋食屋キチキチ

  • 地址:〒 604-8017 京都府京都市中京区材木町185-4
  • 交通:京都地鐵、京阪「三條站」
  • 營業時間:星期一至五 17:00~21:00;星期六日及公眾假期 11:30~14:00、17:00~21:00
  • 網上預約




キチキチ創於 1978年已經有近 40 年歷史,全店得 8 個位全部都係 BAR 枱(俾你近距離欣賞戴紅色畫家帽嘅老闆嘅廚藝),用餐時間限時 1 小時,記住要預約同準時丫!暫時預約已經去到 5 月 21 日,店方只係接受 6 個星期內嘅預約,要預約就要快手啦!

神級蛋包飯@京都ザ・洋食屋キチキチ可以近距離欣賞廚師手藝




必食招牌蛋包飯(ふわふわ卵の逆さオムライス)(全份2,500円│半份1350円),飯先以洋葱、蘑菇炒香,再放用 3 隻蛋製作的半熟奄列,香濃的蛋漿加上牛肉燴醬,特登過嚟食都值丫!

神級蛋包飯@京都ザ・洋食屋キチキチ圖片來源: ayaaaimit @ Instagram




老闆仲有另外一招,拋一拋鑊唔使切都可以打開個奄列!