大阪一日和服體驗+日航酒店和風午餐!著住和服漫步大阪城、御堂筋銀杏道

著和服漫步日本街道係好多女仔必做嘅事,其實和服體驗並不限於京都區,最近大阪日航酒店就同和服體驗店和爽美「WASOBI」聯推出一日和服體驗套餐着物 (でランチプラン),著一日和服漫步大阪街頭連日航酒店和風午餐只需¥6800 (約HKD500)(推廣活動至2018年3月31日),套餐包括:

  1.  和爽美「WASOBI」一日和服體驗(可外出),時間: 10:00-18:30(原價¥5500)
  2. 大阪日航酒店日本料理餐廳「弁慶」季節三層便當,時間: 11:30-14:30(原價¥5280)

小編建議大家一早去和爽美租咗和服先,之後就去日航酒店食午餐,店方無限制可以著住套和服去邊,只要喺18:30前還和服就得啦!所以大家食完午餐之後就可以去周圍影相,適逢秋季當然就要影下紅葉、銀杏呢啲季節限定嘅靚景啦!推介地點有御堂筋銀杏大道(日航酒店門口就喺,唔係特登去),之後就可以去大阪城,有紅葉之餘仲有日本古城,記住準備足夠嘅電同記憶卡影相丫!

  • 期間限定:2017 年 4 月 1 日 ~ 2018 年 3 月 31 日
  • 費用:¥6800
  • 官方網址

和爽美「WASOBI」一日和服體驗

和爽美提供多種和服比大家選擇,仲包括小配飾比大家自由配搭,揀完和服店員仲會幫大家穿著!除咗女士和服,店方仲亦有提供男士同小朋友嘅和服,情侶、一家大細都可以一齊體驗著住和服外出觀光、購物、用餐嘅樂趣!手提行李仲可免費寄存添!

  • 地址:〒541-0055 大阪市中央区船場中央4-1-10 (船場センタービル 10号館北1F)
  • 交通:地鐵「本町站」16 號出口
  • 營業時間:星期一至六 10:00~18:30(星期日及公眾假期休息)
  • 官方網站