【大阪酒店推介】大阪購物血拼首選!Cross Hotel Osaka 兩分鐘行到心齋橋、道頓堀!

小編覺得酒店沒有絶對的好或壞,因為好壞取決酒店跟你的需求是否配合,例如於你想去的景點、主要是想要購物/觀光/主題樂園、同行人仕的需求等。如果你符合以下其中一個條件,小編非常推介大阪十字酒店(Cross Hotel Osaka)!兩個字:方便!

  • 大阪新手 (未去過,或者去過一兩次)
  • 購物是主要目的
  • 喜㰻熱鬧 (酒店樓下就是心齋橋、道頓堀,如果你要求環境清幽就未必適合你)
  • 和朋友 / 男女朋友去 / 扶老攜幼(需要中途返酒店休息)

大阪十字酒店(Cross Hotel Osaka) 難波站心齋橋站交通方便

  • 地址:〒542-0085 大阪市中央区心斎橋筋2丁目5番15号
  • 交通:地鐵「難波站」14 號出口步行約 2 分鐘、地鐵「心齋橋站」4-B 出口步行約 5 分鐘
  • 機場交通:搭乘南海電鐵至南海「難波站」步行約 10 分鐘
  • 附近景點:心齋橋、道頓堀、難波站購物區、南堀江、美國村
  • 電子地圖:http://bit.ly/2ehWRw4
預訂前CHECK房價
09/2019更新

【實用小地圖】(記得收藏起來)

酒店鮮紅嘅外牆有好大個「X」,一啲都唔難搵。酒店本身好有設計感,感覺好HIP,由房間到大堂整體感覺都好乾淨!日本市區酒店嘅房平均嚟講都唔太大,Cross Hotel Osaka都一樣,雙人房大概24平方米,兩個人開兩個喼啱啱好咁啦!好處係佢嘅浴定比一般酒店大,仲有浴缸(唔係日式細細個好深個種,係西式可以躺直個種)!設備方面基本上都齊:浴巾、風筒、WIFI、電視、電熱水壺、冰桶、冰箱、即沖咖啡、樽裝水、拖鞋、盥洗用品。

Cross Hotel Osaka落樓下轉個彎就到心齋橋筋商店街(2分鐘)、道頓堀(2分鐘),即係話同固力果招牌、藥妝店、大量衫褲鞋襪(g.u.、ZARA)、100円/300円店,只係5分鐘左右嘅距離!買到無手拎可以拎返上酒店先!

行多兩步(其實都係10分鐘)就係難波SHOPPING區:地下街難波WALKS、商場難波CITY、難波PARKS、百貨公司高島屋!

大路野行哂係仲想買啲特別野,行過南堀江立花通(ORANGE STREET)都只係10分鐘,個邊會多啲特色設計店同品牌!

要醫肚,道頓堀有齊你要食嘅蟹道樂、一蘭拉麵、金龍拉麵、章魚丸、大阪燒、RIKURO芝士蛋糕!想食特別啲,推介杜如風介紹過嘅蟹しぐれ(同道樂一樣食蟹)、同食吉列牛嘅京都勝牛!

如果你精力無限,夜晚返都酒店都仲有作戰能力,你一定好愛呢間酒店,因為佢附近好多開地凌晨嘅地方,包括24小時營業激安殿堂、開通宵兄壽司店すしざんまい、開通宵嘅烤肉店いろりや、仲有開到凌晨三點嘅藥妝店スギ薬局 道頓堀東店!

Photo credit: hans-johnson on Visualhunt.com / CC BY-ND