【識買手信一定買呢啲】人氣零食五選!沖繩縣產材料,啖啖沖繩風味!

沖繩超市、商店咁多款零食,嘴巴同胃就得一個,以下精選5款沖繩必試零食,全部都採用沖繩縣產食材,具有當地風味,包裝亦好KAWAII♡♡旅程中不妨買嚟試試,啱口味就大量入手,返仲可當伴手禮同親朋好友開心 SHARE~

(1) 「風獅爺」苦瓜脆片(4袋入) (800円)

口感鬆脆,帶點苦澀,但就越食越上癮!利用沖繩海鹽製作,不愛吃苦瓜的朋友都容易接受!包裝印有苦瓜獅嘜頭,非常可愛!





(2) 豬頭皮肉乾 (180円)

頭皮都食得?!係啊,仲好好味tim~肉質有韌性,相當有嚼頭!味道有辣有唔辣,除原味外,仲有醃梅、醋昆布等口味。辣度仲細分幾個級別,送酒更佳!




(3) 雪鹽棉花餅 (4袋入) (360円)

雲朵形狀,入口即溶!這款蛋白脆餅特色之處,用了宮古島的海鹽製成,形狀同包裝都有療癒的感覺~設有椰子、芒果、黑糖、草莓、朱古力味可選!款款都想試?禮盒裝裡面共有15袋混款設計,俾你慢慢試曬咁多口味,禮盒裝仲比單買更經濟實惠!








(4) 芋人 (1盒6包-150gx6) (864円)

採用11%沖繩宮古島「ちゅら恋紅」紅薯搓揉製成,享受天然紅薯 甜味,口感酥脆,一啖一粒好滋味!自然濃郁香烤甜味,1盒六包食唔停手~





(5) 沖繩黑糖百力滋(Pretzel) (360円)

採用的黑糖為沖繩縣產甘蔗製成,加上香脆百力滋,咬開層層甜絲絲味道。濃郁甜味之中,帶有略略微苦,可能就是令人吃不膩的秘密。